За Нас

Гостилницата "ДМ" на своите гости им нуди одлична и вкусна храна, комбинирана со брза и љубезна услуга веќе десетина години наназад. И, низ тие години, од скромно место за оброк прерасна во една од најпознатите скопски гостилници за дружење. Какви гости најчесто имате, а какви гости преферирате?

Нашите гости, од кои голем дел се редовни во нашиот ресторан, се од најразлични профили. На масите во "ДМ" седат студенти, бизнисмени, политичари, дипломати и лица од јавниот живот. Но, што работат нашите гости и каква функција имаат за нас е најмалку важно, секој што ќе не посети ќе може да ужива во добрата македонска кујна и љубезната услуга на нашиот персонал.

Какви специјалитети имате? Кој е специјалитет на вашата кујна? Приготвуваме најразлични јадења од македонска кујна, со акцент на јадењата на скара. Но, како наш специјалитет би ги издвоиле пилешкото и свинското месо исечкани на парчиња со зачини и испечени на скара, потоа плескавицата, раженчето, колбасот...

Каква музика има во ресторанот? За разлика од многу други ресторани, во "ДМ" не настапуваат музички групи. Музиката не ни е приоритет, бидејќи сметаме дека луѓето кои доаѓаат знаат дека "ДМ" е место за муабет во пријатна, мирна атмосфера, во комбинација со одлично јадење.

Разните гласови, пријателски разговори, по некоја гласна насмевка се музиката во нашата гостилница...